يا ريت انساك
وامحي كمان من عمري...
لحظة فيوم قضيتها معاك
..أدي دمعة..
..وادي فرحة..
وادي كلمة بتضحكلي
ودي لمحة كمان جارحة
بحلمي وروحي وبقلبي
طرت معاك
على سحابة سما بهواك
ولما فتحت انا عيوني
لقيتني فبحر غرقانة
دا بحر هواك
حاولت اهرب
واول شط واجرب
ألاقي حد ينجدني
واشاور حتى بايديه
على الله النجدة تلمحني
أتاري الأرض مهجورة
وهم سراب من الصورة
واديني لسه غرقانة
فــ بحر هواك
اصرّخ اصوّت اتألم
واقول الآه ...
لا حد فيوم هيسمعني
.......وينجدني
ولااقدر احصل حتى الشط ...
اللي بتمناه...
يارب انت الوحيد ليّه
يا رب انت اللي دارِ بيّه
راح ادعيلك ..
واسهر طول ليالي كتار يا رب ابكي ....
...واصليلك
يا رب تعبت نسيني
هوا قلبي اللي كان ليّه
ودلوقتي أهو اتحرَّم .....
......على عيني
هناك ١٢ تعليقًا:
يااااااااااااااااااه
يارب انت الوحيد ليا
روعة
جميلة وحزينة ومؤلمةو.. و...مليانة معاني
انا هاقرأ تاني وارجع أعلق
ما شاء الله ...أنت مبدعة
لي عودة
بس قلت أحجز ويارب يكون أول تعليق
كل الطرق تؤدي إلى الله
ما أحلى الرجوع إليه سبحانه
وأجمل الدعاء أو أجمل من الدعاء ..المناجاة وهي الشكوى ووصف حال الفاقة والفقر والعوز إلى ربنا
*****
عذرا
من أول (يارب )تركت نفسي مع ما صنعته هذه الأبيات بي
شكر ربي لك ...أيقظت بداخلي شيئا
******
أدي.. وادي.. وأدي ...ودي
دلالة واضحة على تعدد هذه الذكريات وعلى أنها مصممة على تمزيق كل صلة به ...وطرح أي ذكرى له في تلافيف العمر
تعبير قوي وجميل...نفتح علبة الذكريات
ونتخلص من كل وأي وشيجة بيني وبينه
***
ربنا ينجدها ويوصلها لبر أمان
وجميلة برضه أوي(يارب تعبت)
بصراحة (ما شاء الله) أنت أستاذة
بالمناسبة بيبقى فيه حرس على باب الحارة؟
أستاذ حبارير من تعليقك أتصورك أستاذ ومعاك دكتوراه في الشعر والزجل يا فندم
تفصيص ماشاء الله
الحارة هتنور بحضرتك يا فندم ومعليهاش أي حرس
هناك اسمي رواء الروح بالمناسبة
سننتظرك تشرفنا
بجد كلمات رائعه جميل جدا فعلا كل طراق بنلجاء الي الله نعم الله بساعدنس كل شي باي طريق طرق تؤدي الي الله
منورة يا عاشقة القمر
ليس لنا إلا الله لنلجأ له
تحياتي
كلمات اكتر من رائعة بس افتكر ان فيها ضعف جداومفيهاش محاولة تغير للحالة للافضل انا شايفة انها عايزة تفضل متعلقه بيه بس اجمل شئ الرجوع لله فعلا هوا اللى هيقدر يخرجنا من اصعب المحن على فكرة هكون ضيفة دايما ان شاء الله لمدونتك اتمنى تقبيلنى واشكر استاذ حبارير انه عارفنى على المدونات الجميلة دى
دكتورة \هبة
السلام عليكم
عايز نسبة على الزباين اللي جت ههههه
حاولت أرد على دراسة التاريخ لكن
النافذة صعبة ومغلقة مش عارف ليه؟!
لو عندي حاجة راح أدلك طبعا
بس جاي برضه أشكرك على التحفة
الفنية اللي في التعليق عندي
الله يحفظك ويبارك فيك
خللي بالك من أختك (إنسانة عادية)
وحاولي تمتعينا بهذه القطع النثرية هنا
بالمدونة لأنها متعة حقيقية
عذرا ممكن الخط يكبر شوي؟
الجميلة انسانة عادية
أولا منورة المدونة
ثانيا أشكر أستاذ حبارير على هذه الدعاية
علشان نتعرف هلة ناس سكر زيك كدا
ثالثا
هيه بتحاول تنساه قالتله وامحي كمان من عمري لحظة فيوم قضيتها معاك
وبتلجأ إلى الله لأنها متأكدة انه اللجوء إليه هو حلها الوحيد
لمن تشكو غير الله
منورة يا قمر بجد
وهستناكي أكيد واتشرفت بمعرفتك جداااا
ههههههههههههه
أستاذ حبارير
منور حضرتك طبعا
وأختي انسانة عادية منورة بردو
ونسبة كام حضرتك عاوز متقوليش 20% والحركات دي هما 5% بس ههههههههه
ربنا يكرمك وياريت لو تفيدني فعلا ربنا يكرمك وهحاول أكبر الخط حاضر
نفسي أنساك وانسي اي ذكري جمعتني في يوم وياك
نفسي أنسي الذكريات وابعد يوم عن الاهات
نفسي انسي كل كلمة كل همسة كل ضحكة جمعتني في يوم وياك
ليه الحياة بقت حزينة
ليه بعدي عنك أصبح مصيبة
بعدت عني وجرحتني
ولا يوم جرحتك وعذبتني
يااااااااااااه يارورو فكرتيني بأول زجل اكتبه وانتي رديتي عليا بزجل ياريت انساك
ساعتها بجد ردك ده اسعدني جدااا متتخيليش قد ايه انا كنت محتاجه السعادة في وقت ذي ده
ربنا يكرمك يارورو يارب
انتي فعلا ماشاء الله عليكي مبدعة
تسلم ايدك ياحبيبتي الزجل ده اللي انتي كتبتيه انا بعتز بيه جدا
اسفة للتطويل ياحبي
رشا
روشا منورة يا سكرة
انتي اللي ملهمتي يا قمر
بجد لو تفتكري كذا حاجة تكتبيها وتحرك احساسي كتير
وانتي بجد مشاعرك ربنا يكرمك وحساسيتك مرهفة
ربنا يخليكي ليّه
رائعة هي كلماتك
والاروع الاحساس الذي يغرق تلك الكلمات
أبدعتِ فسلمت يمناكِ
إرسال تعليق