الأحد، 28 فبراير 2010

يا شمستي

ماشية ببص لفوق لقيتها مغّيمة
.
وسحابة هادية من تقلها...
.
لونها غامقة معتِّمة
.
قلت افرحي دا باينها ناوية تمطر...
.
وجدودنا قالوا المطرة خيرو...
.
وقفت وسط الشارع أستنى المطر..
.
وجناحي فرداه جمبي ولا ..
.
..........أجدعها طير
.
استنى ساعت ما يجيني الفرح
.
علشان أوام أبدأ أطير
.
وشوية جه حبة هوا جامدين أوي
.
زقوا السحابة بعيد .. بعيد عني أوي
.
وبدال ما الحزن يملاني
.
قلت افرحي دا الشمس هتدفي الهوا
.
ودفاها بردو يعني خير
.
دفاها يعني زهور كتيروأراضي خضرا
.
اوعي يملاكي القنوط
.
واللي ما يتيئن برحمة ربنا (يتيقن)
.
بكرا يكون فـ سجن شيطانه ..
.
مسجون.. أسير
.
شد الهوا ..آسي أوي
.
والسحابة بعدت وبعدت ...كمان كتير..
.
وبنظرة مخلوطة .......ألم وشوق
.
وقفت بصة ...لسمايا فوق ....
.
استنى يمكن...يحين شروق
.
يا شمستي
.
مستنياكي ...مهما طال بيكي الغياب
.
مستنياكي....مهما نورك عني غاب
.
يا شمستي ...
.
مستنياكي وكلي أمل فــ بكرا....تطرح زرعتي
.
وفضلت صابرة ..أدعي ربنا
.
يارب عوض صبري خير
.
واصبرت امبارح ...
وبكرا ....لسه هصبر كمان كتير
.
الأمر كله بإيدين ربنا
.
يا مطرة(ت) سحابة تسقي زرعتي
.
يا إما يصبح بكرا بدعايا ..
.
شمستي...حالها غير!!!!!
2\3\2009

هناك 11 تعليقًا:

واحد مش فاهم حاجة يقول...

انا من اكبر مناصرى الامل والحلم والهروب من اليأس بس انا ضد تحولهم لنوع من الادمان وغياب المعنى المهم ورا وجودهم

الاسهل نتعامل معاهم على انهم حسبة او معادلة اللى دايما بتحتاج لنوع من التوازن


تحياتى

هبة النيـــــل يقول...

مش بقولك ..

"فاهم كل حاجة" ...

سعيدة بعودة التواصل..

وسعيدة أن المعنى وصلك..

وأنا حقا "أحيا في حلم الأمل" ...

أحــوال الهـوي يقول...

جميل الامل حتي لو فقدنا في طريقه الرجاء
او نسينا الصبر المهم لا ياس و القدر لابد يكون جواه الخير و عسي ان تكروا شئ و هو خير لكم

دايما اجي اتعلم منك

تحياتي

أحــوال الهـوي يقول...

لو كتبت شئ قريب عن الامل هيكون من تاثير هذه الابداعيه الجميلة

تحياتي

هبة النيـــــل يقول...

أستاذنا أحوال الهوى

بدون الأمل لا حياة..

العفو فعلا حضرتك أستاذنا يا دكتور

هبة النيـــــل يقول...

دانا هيكون لي عظيم الشرف في هذا الإلهام يا فندم :)

نورتني بجد يا دكتور

عفوا أنا أميرة يقول...

يا شمستي.مستنياكي ...مهما طال بيكي الغياب.مستنياكي....مهما نورك عني غاب.يا شمستي ....مستنياكي وكلي أمل فــ بكرا....تطرح زرعتي.وفضلت صابرة

حلوة قوى لولا الأمل والثقة فى ربنا كان الواحد سلم من زماااان قوى
كلماتك حلوة قوى، يلا كل تأخيره وفيها خيره وكل أزمة ومنها ابداع دمتى بحب وسلام

هبة النيـــــل يقول...

ربنا يكرمك يا سلمى

كله بأمر ربنا سبحانه وتعالى وكلها أسباب فقط

بس الإحساس بالظلم وحش جدااااا

وفقد الثقة في الناس أوحش

ربنا يكرمك يا سلمى ونباركلك قريبا :)

Haytham Alsayes يقول...

مستنياكي ...مهما طال بيكي الغياب
.
مستنياكي....مهما نورك عني غاب
الله عليكي ياهبة بجد جميلة جدا
فعلا المل هو الذي يدفعنا الي الحياة
تقبلي مروري

هبة النيـــــل يقول...

أستاذ هيثم

ربنا يكرمك والله


سعيدة جدا انها عجبت حضرتك :)

نورتني فعلا :)

حبارير يقول...

الله

جميل الأمل والتفاؤل

حارتنا

حارتنا مليانة جمال....بس يمكن عنينا مش شايفاه...
يابن بلدي حبها علشان تحبك...
ولازم تفرق بين بلدك وبين اللي ماسكينها...

أختك وبنت بلدك

هبـــــــة النيــــل