الخميس، ٤ مارس ٢٠١٠

لو ألف ميت مليون طريق


لو ألف ميت مليون طريق
ممكن تضيق
دوّر على فرحة تنور ضحكتك
تطرح زهور في سكتك
فجر بكراتلاقيه ينور ضلمتك
اصبر على كحل الضلام
شمس النهار زيك تنام
تلقى الشروق عم البشر
تلقى الخضارشق الحجر
تلقى النجوم زاينة القمر
قلب السما لون البَحَر
تلقى الصفا بعد الغيام
همس الهدوء بدل الزحام
شجر الزتون ويا الحمام
.
لو ألف ميت مليون طريق
ممكن تضيق
ادعي الكريم..
تلقى الدعا يفتح طريق
تلقى العدو يصبح صديق
تلقى الجفا يصبح وئام
ارمي الهموم واجري أوام...
....من كل ضيق
(ابعد عن الحزن اللي عشش فـ السكك)
فرحة عيونك هتسبق ضحكتك
وتشوف كل الكون جميل
.
.
ردا على أستاذنا حبارير
في زجلاية تحمل نفس الاسم
وما بين الأقواس اقتباس منه كما علمنا
28-5-2009

هناك ١٠ تعليقات:

عفوا أنا أميرة يقول...

لو ألف ميت مليون طريق
ممكن تضيق
ادعي الكريم..
تلقى الدعا يفتح طريق
تلقى العدو يصبح صديق
تلقى الجفا يصبح وئام
العنوان لوحده يفجر الاصرار والتحدي والكلمات دى تملء الواحد بالامان واليقين ومهما ضاقت بكره تفرج مادام فى رب اسمة الكريم..
ربنا يعزك ويجعل الكلمات دى فى ميزان حسناتك.

Haytham Alsayes يقول...

السلام عليكم
كويس انا اول واحد يعلق فعلا انا معجب بكتابتك جدا لانها بتعطي امل في بكرة
من غير امل منعرفش نعيش
شكرا ليكي وتقبلي مرورى

هبة النيـــــل يقول...

الأميرة سلمى

بتنري الدنيا يا سلمى

وبتسعديني جداااااااااا الله ربنا يعلم

---

شفت ردك هناك :)))

على كدا الدك شايل مني من زمان :))))

بس ما قلتليش صحيح ما قالكيش بتعمل ايه يعني ؟؟؟ :))))

أسعدتيني والله فعلا :)

هبة النيـــــل يقول...

استاذ هيثم

ربنا يباركلك والله

فعلا : لا أمل ... لا حياة

أعطر المنى :)

عفوا أنا أميرة يقول...

هههههههههههههههههه، ايه دا تقصدي أني لاسمح الله متعبة وكل كلمه عندي ليها رؤية مختلفة;-)

هبة النيـــــل يقول...

هههههههههه

كدا كتير بصراحة

شكلي هاخد أجازة بدون مرتب

وسببها حفاظا على صحة أولي الأمر

ربنا معاكِ ويباركلك

شدي حيلك النهاردة :)

عفوا أنا أميرة يقول...

هههههههههه، أتنين كتير عليه وأنا كمان نسخة مكررة فى البيت وفى الكلية
;-) ربنا يهدينا ويصلح الحال...
الحمد لله النهاردة عدى على خير بس بجد افتقدتك وزعلت جدااا أنك ماقدرتيش تيجي..لعله خير المهم الدورة تمام؟؟

أحــوال الهـوي يقول...

جرعة امل

مكثفة

تفتح كل الافاق الي الابتسام الي الايمان بالامل

الي الوصول للقناعه بالمتاح حتي ياتي بصيص النور

انه الايمان بالله

اشكرك فقد بدات يومي بسطورك و استبشرت خيرا بمعانيكي

شكرا لروعتك و شكرا لسحر ابهجني و اصلح زمام قلبي

تحياتي

هبة النيـــــل يقول...

الأميرة سلمى

اللهم آمين

ربنا يصلح احوالنا جميعا

سعدت بكِ جدا :)

هبة النيـــــل يقول...

أستاذنا الكريم دكتور أحوال الهوى

تصدق بالله

كنت منتظرة رأيك جداااا

مكنتش هنزل جديد إلا لما أطمن انها عجبتك

ربنا يرزقنا الامل دايما

لانه فعلا ... حياه

حارتنا

حارتنا مليانة جمال....بس يمكن عنينا مش شايفاه...
يابن بلدي حبها علشان تحبك...
ولازم تفرق بين بلدك وبين اللي ماسكينها...

أختك وبنت بلدك

هبـــــــة النيــــل