الثلاثاء، 13 مايو 2008

كتبت اســـمي

كتبت اسمي عالرمال
وانا رسمتك في الخيال
......بسمة قمر
او نسمة حلوة مرقرقة
.....تحلي السهر
يا حلم مستني اللقا
يا شمسة ساطعة مشقشقة
....على بحر حبي
يا احلى طير لاح بالوجود
عصفور وغاوي زقزقة
....على غصن قلبي
يا حتة مني ..
يا عين ونني....
نفسي الزمان يجري أوام
لا سنين تضيع في غربتي
ولا ناس تلومني
زي بنية صغيرة
لما تضيع من أمها
تلاقيها تايهة محيرة
خايفاها تهجر دربها
واما تلاقي حضنها
تجري عليها تضمها..
يا حتة مني
يا عين ونني
نفسي الزمان يجري اوام
لا سنين تضيع في غربتي
ولا ناس تلومني

هناك 4 تعليقات:

عكـــوة يقول...

بصراحة يا دكتورة أحلى م اللى ف زجلو كليب .... من غير زعل

بمناسبة ,,, مرقرقة دى اسكندرانى ؟؟

هبة النيــل يقول...

مرقرقة دي اختراع روائي بحت هههههههههههههه


وبعدين مانا نزلتها فزجلو بردو

rosha يقول...

جميلة يارورو بجد

حاسه بيها أويييييي

ياحلم مستني اللقا

جميلة جدااااا

رواء

وحشتيني اوي

هبة النيـــــل يقول...

جميلة انتِ يا روشا

منورة :)

حارتنا

حارتنا مليانة جمال....بس يمكن عنينا مش شايفاه...
يابن بلدي حبها علشان تحبك...
ولازم تفرق بين بلدك وبين اللي ماسكينها...

أختك وبنت بلدك

هبـــــــة النيــــل