الثلاثاء، 13 مايو، 2008

يابــو المـــلايــة اللـــف

يابــو المــلايــة اللـــف
محلا دلالك يا ولا فملاية لفة
على قد خصرك يا ولا والدم خفة
مشيت غزالة يا ولا والله بتتمختر
خدبالك لحسن يا ولا دي عيني رفّة
خايف عليك يادالولا من عين حسودك
لاحمر فشفايفك يا ولا وردة فخدودك
الناس بصالك يا ولا والعين بتحسد
خمسة وخميسة يا ولا ..زاهي وجودك
حاسب على نفسك يا ولا طول مانت ماشي
وفوسط الحارة يا ولا يا واش يا واشي
الواد دا جارك يا ولا وعينه منك
وغيره كتير يا دالولا ولا تدراشي

نفسي النهاردة يا ولا تبأه أصادي
عيني فعيونك يا ولا طول الليلادي
أغرق فبحورهم يا ولا ولا حد يقدر
يبعدني عنهم يا ولا ...حتى الأعادي

حاسب على قلبي يا ولا ..لو مرة لمست
ايدك دي ايدي يا ولا ..وعنيك دي غمزت
أصل انت غالي يا ولا ..اوي على قلبي
وليك عيوني يا ولا ...بالحب همست

هناك تعليقان (2):

عكـــوة يقول...

الله ينور يا دكتورة

هبة النيــل يقول...

منور يا عكوة والله

حارتنا

حارتنا مليانة جمال....بس يمكن عنينا مش شايفاه...
يابن بلدي حبها علشان تحبك...
ولازم تفرق بين بلدك وبين اللي ماسكينها...

أختك وبنت بلدك

هبـــــــة النيــــل