السبت، 9 أغسطس، 2008

دلال القمر

قاللي يا واد على دالجمال
حطت عيوني .. غصب عني
وانا نفسي ابينله الدلال
بس الكسوف كان أقوى مني
قاللي يا ويلي من العيون لما تطل
وآه مـ الكسوف فــ نظرتك لما تهل
عاشق أسير لـهمستك
ويزيد عشقي بـكسفتك
دانا بس بتمنى أعيش
.........لـمحبتك
آه مـ الحيا لما يحني دالجمال
وآه مـ الجميل لما يكون حلو الخصال
عاشق القمر بتمنى نوره والوصال
زي القمر ورا الغيوم......
..........يداري كسفته
وللا ضياه...
بدر فـ سماه .......
.........فـ طلته ...
بدعي الاله...
اني أعيش....
بـضي نوره وطلعته

هناك 13 تعليقًا:

السعادة يقول...

يعني مش كنت اتمنيت الفردوس ولا حاجات كتير أوي
كدت أغلق الجهاز
قلت اعدي على هبة النيل واتتمنى تكون نزلت بحاجة جديدة
واللي اتمنيته لقيته
على فكرة تبارك الله
الموسيقى أو النغم المرة دي عالي جدا وواضح
الألوان أكترها عندك ليلية
هل قرأت الموشحات أم هذا تأثير بيرم؟
نفسي اللغة تطاوعني زي ماهي مطاوعاك
انت وهي باين اصحاب
من حق(فسماه فطلته)اكتبيها(ف سماه - ف طلته)أفضل هذا إذا أحببت والأمر لك أولا وآخرا
ربنا يبارك فيك
مش عارف لو كانت ويزيد هيامى بكسفتك
جميلة دلال القمر
زوري أسوور وعلقي عليها أكيد هتنشر لحضرتك حاجة في الجريدة
عندك كتير حلو

المهاجر الى الله يقول...

ادعوك لزيارة مدونتى المتواضعة والمساهمة بارائك وتعليقاتك
www.eyuon.blogspot.com
وشكرا

هبة النيــل يقول...

ههههههههههههههههههههه

حضرتك بتخجلني بذوقك والله

وبارك الله لك وجزاك كل الخير على الملحوظات قيد التنفيذ يا فندم

وربنا يبارك فيك بجد

على كدا أنزلك يومي يا فندم :)

tarek momen يقول...

جميلة و حلوة

مستكه يقول...

ما شاء الله يا حلاالروح

مدونتك جميله اوي

وجوها ظريف وصور الخان دي تحفه

طبعا كتاباتك بسم الله ما شاء الله

زي ماعودتينا دايما

الكلام البسيط الجميل اللي يوصل للقلب بصاروخ

يسلم قلمك

ولا نقول يسلم كيبوردك


متنسيش فخفخينا بئه

منتظرينك هناك ان شاء الله

السعادة يقول...

السلام عليكم
زادك الله تواضعا,والعلم رحم بين أهله وأنا ارتاح للزجلوهو عندك قوي وجيد..
فعلا حضرتك ما شاء الله..مبدعة
ياريت أعرف ازاي عملت التصحيحات بعد نزول التدوينة,لأني وقعت في أخطاء وأريد تصحيحها,إن لم يكن في ذلك حرج أو إثقال على حضرتك..وأنا جديدعلى هذا العالم(النت والكمبيوتر)
لا تنسي زيارة مدونة أسوور والتعليق على تدوينة(جريدة الأسرة العربية)
أتوقع أن يختاروا من زجل حضرتك شيئا للنشر..والله المستعان
وأخيرا شاكر لك تواضعك الجم..وسأنتظر كل أسبوع بإذن الله لأقرأ الجديد عندك

هبة النيــل يقول...

أستاذ طارق منور الدنيا

هبة النيــل يقول...

مستكة يا قمر منورة الدنيا دا أولا

ربنا يكرمك على مجاملتك دي دا بس من زوقك

فخفخينا شرف ليه الانضمام فيها

بس يا رب متزهقوش من كتر اللي هكتبه :)

وعقبال يا رب ما يرزقك بالحبهان اللي يسعدك يا قمر :)

هبة النيــل يقول...

سيدي الفاضل "السعادة" ربنا يكرمك

ببساطة حضرتك هتعمل تحرير للرسالة وتغير فيها براحتك

وأي حاجة تحت أمرك

صحيح مش صاروخ كمبيوتر يعني بس ربنا يعيننا ونعرف نفيدك يا فندم :)

السعادة يقول...

دولة حضرة سعادة سيادتك
شاكر فضلك
(يافندم)....!!
استعرت من حضرتك هذه الكلمة الظريفة(يافندم)
لو عند حضرتك معرفة بأي دراسات عن الزجل..أكون شاكرا لو أرشدتيني إليها
هاحاول اروح اصلح أخطائي الشنيعة
تخيلي الهمزة المفروض على سطر ..!!ورحت كتبتها على نبرة في تدوينة الميكروباص
على فكرة فرحت أنها عجبتك
جزاك الله خيرا

هبة النيــل يقول...

والله يا فندم أقرأ كثيرا لعبد الرحمن الأبنودي وصلاح جاهين والفاجومي طبعا

وتتلمذت على يد شاعر الأسكندرية الملقب بأبوخوخة بحارة زعتر

مرحبا بك هناك

http://www.z3tr.arrawan.com

يسرا يقول...

زعترية إذاً ....

ما شاء الله
هذا عهدي -بالحارة- ... حارة المبدعين

بارك الله لكِ في قلمك

هبة النيـــــل يقول...

أكرمكِ ربي يسرا

نعم أنا زعترية :)

حارتنا

حارتنا مليانة جمال....بس يمكن عنينا مش شايفاه...
يابن بلدي حبها علشان تحبك...
ولازم تفرق بين بلدك وبين اللي ماسكينها...

أختك وبنت بلدك

هبـــــــة النيــــل