الأحد، ٩ نوفمبر ٢٠٠٨

يا واد يا عطــوة

الحاج عطــوة .. دا كان زمان ..
الحلو عطــوة .. ابن الجيران
الحلو عطــوة .. جه خطبني ..
وابوية قاله اللي يناســـيبني ..
أديله عيني ويصبح ابــني ..
اداله ابوية دكان صُــــــغيَّــر ..
صحيح محندأ .. بس مناسيبني .......
.
والحلــــــو عطــــــــــوة ..
...راح ماليه حبة(ت) عطـــــــارة .....
.ورُز جايبه بالشــــــــكارة..
رطل حظ ... رطلين شطــــارة ...
مــ الدكـــــان.. الحلو عطــــــوة ..
راح بانيـــلنا دي العمــــــــــــارة ..
.
والحلــــــــو عطـــــــــــوة ..
مش راســــــــــه ناشــــــــــفة..
لاء بيشاركني فــ كل خطــــــوة..
رأيك يا حجـــــة ... وزمان يا حلـــوة ..
الســـــــــــن بردو .. يحكم القولــــــة ....
....مش أي غنــــــــــوة ...
.
وجبنا العيــــــــــــــــــال ...
مرسي وكمــــــــــــــــال .....
وللا البنـــــــــــــــات ..
ســــكر نبـــــــــــــــــات ..
فاطنــــــة وزينــــــــــــــات ...
والحاج عطوة لساه صاينني ..
الحلــــو كله مشــــــتريه ..
ومـــــش حـــارمــــني ...
ولما يحــــب أدلَّع عليــــه ...
يـــــقوللي يا ســـوســــــو ...
علشـــــــان أغـــــــني ..
"يا واد يا عطـــــــوة" ...
.
واحنا النهاردة .. فرح كمـــال ...
ومرسي عنده .. اتنين عيــــال ...
وفاطــــنة قاعدة في الكـــويت ...
وجوزها بردو بنـــالها بيــــــت ...
وزينـــــــات أديلها شــــهر فـــات ...
متــــجوزة وعايشـــة فـ تبــــات ..
البيـــت هيفضى يا حج عطـــوة ..
بعد ما كان ماليه العيـــــال ..
أحسن عشان .. نرجَّع زمان ...
يا بـت حبـــَّة ... نعيد اللي كـان ...
ياللا يا سوسو ... اطرب بصوتك ....
فــ أحلى غنـــــــــوة ...
"يا واد يا عطــــــــــوة" !!!
.
أيتها خدمة

هناك ١٢ تعليقًا:

romansy يقول...

عطوه دا انسان جميل جدا قد يحافظ على حبه طول السنين دى ويحافظ على بيته وعياله ويربيهم احلى تربيه دا لانه بيحب سوسو قوى
ولسه بيحبها بعد العمر دا كله
دا دليل ان الرومانسيه مش بتموت ابدا حتى لاخر العمر
جميل تعبيبر عن عطوه وسوسو
ودا اللى احنا محتاجينه فى كل بيبت
وغنى بقى يا سوسو

أحــوال الهـوي يقول...

قريت قصيدتك قلت اتخطبتي
لقيت سي مرسي داسني و خبطني
و البت فاطنة جوزها الكويتي
في العمرة زارني و في الحج شاطني

يا حاج عطوه كلك شطارة
خت القماره و دكان عطارة
جوزت كل العيال ياعطوة
ورجعت يا المدام بدارة

تحياتي

tarek momen يقول...

عدتي و العود احمد
حمدالله علي السلامة
كالمعتاد الزجلاية جميلة و بترسم صورة شعبية حلوة للمصريين الأصليين

هبة النيــل يقول...

الأخ الكريم رومانسي

هغني حاضر

بس للحاج عطوة "أونلي"

:)

منور يا فندم

هبة النيــل يقول...

دكتور أحوال الهوى

أنتظر مداخلاتك دائما

وباركلي عالخطوبة بأة :)

هبة النيــل يقول...

أستاذ طارق

أكرمك ربي وراضاك

شكرا جزيلا على السؤال

أحــوال الهـوي يقول...

مبروك
و الله كنت حاسس ان بعدك كان لهذا السبب و قلت ماجيستير او دكتوراه طلعت ماجيستير و عقبال الدكتوراه
يا رب يرزقك بالزوج الصالح الذي يصونك و يسعدك
و انا ابنتي خطبت ايضا يعني الحمد لله بناتي الاثنين ربنا كرمهم
و عقبال لما ابقي جد عن قريب يا رب

الف مبروك و ياريت اعرف ازغرد

أحــوال الهـوي يقول...

مبروووووك الخطوبه

ورد الفرح... اليوم طرح ...علي توب عروسة النيل
جاها و خطبها... فارس خطفها... و الحب الف دليل
قيمة وسيما... ربان سفينة.... محروس من الحاسدين
اختار طبيبة ....رقة وحبيبه.... و تقيه دنيا ودين
اسمعني يا ابني ..صنها تجدني ..سند و اخ وعون
وان يوم شكيتك... ما تسبش بيتك... كلمني ع التليفون
يا فرح لالاى ..نور ف داري..... وزفه للعروسين
و عقبال حماده.. ممدوح وغادة ...و انتوا و السامعين

تحياتي

هبة النيــل يقول...

دكتورنا العزيز

أحوال الهوى

يسعدني ويشرفني أن أكون ابنتك بالفعل

والله كنت أمزح متخيلة أن كل من يزورني يعرفني لأني ذكرت "أطفالي" عدة مرات

سيدي فضل الله تمت رسالة الماجستير والآن بالفعل أدرس الدكتوراه

ولقد أتممت الثلاثين تزوجت منذ 8 سنوات ولي طفلتين جميلتين ماشاء الله وتبارك الله

والله كنت أمزح تخيلتك تعلم فعلا

ولكني سعدت بهذه المزحة والتي جعلتني أستمتع بتلك الزجلاية الراااائعة منك

سلمت ودمت

ومبروووك لابنتك ويارب داسما بسعادة وهنا

أحــوال الهـوي يقول...

ربنا يخللي لك بناتك و يبارك فيهم و تشوفيهم اجمل عرايس
علي العموم لك فضل كبير في محاولتي الرجوع لكتابة الشعر بعد انقطاع لفترة طويله جدا حسبت خلالها ان ما كنت اكتب من و حي شيطان و مات و لكني عدت بالهمات ملاك طاهر ينبض باحساس سامي يبث الروح في جسد متهالك

ابنتي عندها 20 سنة بكلية الصيدلة و لي ولد بالثانوية العامة مجنني
تحياتي

Unknown يقول...

قوليلهم وعرفيهم

ان الرومانسية مش للى قرو روايات رومانسية ولا اللى شافوا تيتانيك قبل ماتغرق

عطوة اللى شقيان يا قلب امة طول النهار فى محل العطارة عرف يستت البت ويخلى ايامها كلها شباب وغنا


خفيفة لذيذة لها روحها الخاصة

بالمختصر عجبتنى جدا

هبة النيــل يقول...

أخي الكريم فاهم كل حاجة

لا تعلم قدر سعادتي إنك قرأتها بالضبط كما كتبتها أنا


بالمختصر

حسيتها مزبوط

حارتنا

حارتنا مليانة جمال....بس يمكن عنينا مش شايفاه...
يابن بلدي حبها علشان تحبك...
ولازم تفرق بين بلدك وبين اللي ماسكينها...

أختك وبنت بلدك

هبـــــــة النيــــل