السبت، ١٧ أبريل ٢٠١٠

كل شيء كان فـ انتظارك

.
.
كل شيء كان فـ انتظارك
مش هقولك ان روحي مشتقالك
مش هقولك أد ايه
كنت بتمنى وصالك
مش هقولك ان قلبي
كان بينبضلك بدالك
بس اقولك.....
كل شيء كان فـ انتظارك

كل ركن فالعش اللي جمعنا ليالي
كل حرف كتبته يوم وانت قبالي
كل نغمة واحنا سوا سمعتهالي
كل دول كانوا فـ انتظارك

حتى لو قلت لشفايفي اتبسمي
حتى لو قلت لأفكاري...
طيري واحلمي
حتى لو فكرت أحلم...
بحاجة برّا عن خيالك
قلبي هيرفض أي شيء غير انتظارك
كل شيء كان ولسه فـ انتظارك

هناك ١٥ تعليقًا:

Haytham Alsayes يقول...

السلام عليكم

مرة اخري معكي استاذتي الكريمة

اشعار جميلة وانا شايف ان النهاردة حضرتك مبدعة ما شاء الله عجبني اوى المقطع دة

قلبي هيرفض أي شيء غير انتظارك
كل شيء كان ولسه فـ انتظارك


بصراحة ادينا مستنيين وان شاء الله خيييييير


تحياتي لكي ومنتظر التدوينة في عبقري وان لم تعلم

هبة النيـــــل يقول...

ربنا يكرمك أستاذ هيثم
منتظرة زوجي يكلمني بس يظهر لسه مارجعش من الشغل :)
أديني منتظرة :)

بردو هو أكتر مقطع بيعجبني

ربنا يكرمك تعليقاتك تسعدني كثيرا

أرق المنى

هبـة,,,

عفوا أنا أميرة يقول...

حتى لو قلت لشفايفي اتبسمي
حتى لو قلت لأفكاري...
طيري واحلمي
حتى لو فكرت أحلم...هتصدم بالواقع المؤلم لكن لسه عندى أمل أنى أحلم حتى لو كلفنى دا كل ما املك، كلٌ يغنى على ليلاه، تسلم ايدك على الكلمات الراقيه دى ربنا يعزك ويجمع شملكم على خير

غير معرف يقول...

بجد وهمية جدا
دى بتاعتى و لا حاجة جنبها
ايه الرقة دى

مش هقولك ان روحي مشتقالك
مش هقولك أد ايه
كنت بتمنى وصالك
مش هقولك ان قلبي
كان بينبضلك بدالك

رااااااااااااااااائعة بجد رقيقة جداجدا يا دكتورة

ان شاء الله اكون متابعة لقلمك الرقيق دة

غير معرف يقول...

انا كتبت الرد السابق تقريبا من غير ما اوضح "الهوية "

أحــوال الهـوي يقول...

بارك الله فيك و فمن تاثرتي بها

الانتظار ... اذا كان بلا امل صار الم
و اذا كان بثقة الرجوع صار شوقا جميلا

و بالرغم من اختلاط المعاني برائعتك
فلقد احسست الالم و الشوق الامل و التمني
و الثقة في الوصال و الحب

هل هناك اروع من هذه الابيات؟؟؟؟


تحياتي

هبة النيـــــل يقول...

الأميرة سلمى

مهما كان الواقع ماتبطليش تحلمي

لو بطلنا نحلم نموت فعلا

ربنا يراضي قلبك ويحققلك كل أمانيكِ

هبة النيـــــل يقول...

حبيبتي نيللي

والله إنتِ فعلا اللي كتاباتك من النوع الفاخر وراقية جدااااااا

بحب أقرألك جدا والله يا نيللي وباستنى كتابتك :)

نورتيني أوي :)

هبة النيـــــل يقول...

دكتور عصام

ربنا يكرمك

فعلا دي مجموعة المشاعر اللي حسيت بيها

وكمان "من وحي ذكرى" كانت البوست اللي قبلها على طول :)

بتنورني جدااا

القمرالباكي يقول...

السلام عليكم ورحمه الله وبركاته

ماشاء الله كلمات كلها عذوبه و حب
اكيد الانتظار هيتوج بلقاء كله مشاعر ورومنسيه

دومتي بخير

انامل تتحدث يقول...

كل شئ كان فى انتظارك
ربنا ما يحرمك منه ابداً ولا يحرمه منك
وميحرمناش احنا كمان من روعه ما تخطه اناملك

well يقول...

انتى كل شئ ومازلتى فى الانتظار تحياتى

هبة النيـــــل يقول...

القمر الباكي

انتِ اللي كلك عذوبة

تسلمي بتنوريني دايما :)

هبة النيـــــل يقول...

أنمولتي

ربنا ما يحرمنا منك انتِ أبدا يا حبيبتي

في انتظارِك دايما :)

هبة النيـــــل يقول...

أهلا استاذ well

نعم سأظل في الانتظار :)

نورتني يا فندم

حارتنا

حارتنا مليانة جمال....بس يمكن عنينا مش شايفاه...
يابن بلدي حبها علشان تحبك...
ولازم تفرق بين بلدك وبين اللي ماسكينها...

أختك وبنت بلدك

هبـــــــة النيــــل