السبت، 21 يونيو 2008

للنيل ... أحلى جنية

يحكى أن للنيــــل ســــــحر ...

وهنا أحكي عن سبب ســـحر النيـــل .... لن أطيل عليكم

سأترككم مع هذه الزجلاية أرجو أن تنال رضاكم



ياللي بتحن لبلادي بلاد النيــــل

فاكر ودَّك يروح ليها ..

بــ عشــــق النيــل؟؟..

وخضرتها ....وكل جميــل؟؟؟...

عشان نور لياليها ...دا غير الليل..

فــ أيها حتة في الدنيــا؟؟ ...

تعالى أقولك ..

ايه بيشدَّك ....

كمـــان ليــها ..

وايه واخدك لكل جمـــال هناك فيها ..

كانوا زمـــان بيحكولنا كدا حكاية ...

عن ليـــلة ..وليلها كحيــل ....

ساحر بضيَ قمراية ..

طلع مرة لابن النيـل ... جنيـــَّـة...

وكانت حلوة ... وشقيــــَّة ..

جري منــــها ... راح اتخبى ...

ندهت عليه بصوت ناعم أوي وساحر ...

قالت له ...."يا واد تعالالي" ...

لقى قلبه مــالفرحة كدا طاير...

ونور فــ عيونو بيــــلالي ...

وحتى اقدامه ما بيقدرش .. يحكمها ...

ماهوش قادر يجري بعيد أوام منها ...

وبدال ما يجري من خوفه...

جري من شـــوقه .. ناحيتها ...

...وســـــــاعتها ...

ضحكت عليه الجنيـــــَّة ...

قالت له خلاص ...يابن النيل كدا سحرتك ...

....بحنيـــــَّة...

وأيها حد أنادي عليــه ...

هييجي أوام يجري عليـــَّه ...

وجَت نازلة فــ قلب النيـــل ..

عشان يوصل كمان الســحر للميــــَّة ...

ومن يومها ...

وكل ما حــد داق نيـــلها ...

أو عينـُه .....كدا لمحت جمــال ليــلها ...

لو مرة بِعِد عنها ..

وطال بُعدُه ..

تنــــاديلُه ...

يُردِلـــها ...


عِشـِــــقت النيــــل





هناك 10 تعليقات:

Foxology يقول...

حلوة الزجلاية وحلوة البلوج

تحياتى :)

tarek momen يقول...

الزجلاية جميلة وفعلا النيل له سحر وذكريات جميلة
اهنئك علي المدونة الجميلة
تحياتي

هبة النيــل يقول...

مرحبا بك "foxology"

وأشكرك على الاطراء

أرق المنى

هبة النيــل يقول...

أستاذ طارق منور المدونة ومبسوطة انها عجبتكم

أرق المنى

17MeD 3L1M يقول...

هوه ليه كل الحب ده للنيل

رحـــــال يقول...

احييكي لحبك مصر ...:)

هبة النيــل يقول...

أستاذ أحمد مرحبا بك أولا ...

ثانيا سؤال غريب يا فندم ...

لكن ربما اللي اتحرم منه فترة هو اللي يعرف اجابة هذا السؤال

النيل رمز بلادي

وأنا أعشق بلادي

ولازم نفرق بين البلد واللي حكمنها

هبة النيــل يقول...

أستاذ رحال

وأحيي حبك لها أنت أيضا

وشكرا لتواجدك العطر

رحـــــال يقول...

احم احم ..

السلام عليكم ورحمة اللله وبركاته ..

تسجيل اعجاب بالمدونة الاول .

ثانيا زجلانية رائعة من هبة النيل .. فمن لها اذن ..:)

--------
نسيت صحيح ..!!

زيارتك الثانية اتاخرت ليه ...؟؟:)

Che_wildwing يقول...

هبة النيل
وبتكتب في حب النيل
صحيح .......
مين يشهد للعروسة
دمتى بنت حارتنا

حارتنا

حارتنا مليانة جمال....بس يمكن عنينا مش شايفاه...
يابن بلدي حبها علشان تحبك...
ولازم تفرق بين بلدك وبين اللي ماسكينها...

أختك وبنت بلدك

هبـــــــة النيــــل