السبت، 21 يونيو 2008

يا مسافر بلاد النيل


يا مسافر بلاد النيل

أمانة عليك توصلها

سلامي ليها

سلامي لكل شيء فيها

دي وحشاني

وليل الغربة أضناني

وحشني نور لياليها

وحشني أبص فعنيها

وحتى ضحكة ولادها

وحشني دفا أراضيها

أمانة عليك يا مسافر

بلاد النيل

تصورلي اللي هتشوفه

نور البدر وكسوفه

وتشرب بردو من نيلها

ولو تقدر تغنيلها

وتحكيلها

اني متشوق...

لسهراية ...بطول ليلها

وبردو اني متشوق

لرقصة خيل

وللزرعة وللخضرة

... لكل جميل

ومتشوق أدوق النيل

أمانة عليك يا مسافر..

ما تنسى سلامي لبلادي....

....بلاد النيل




هناك 5 تعليقات:

السعادة يقول...

جميلة أوي..
مفرداتك وربما اللي بيسوقها إحساسك
باشم فيها قريتنا..والحاجات الطيبة والقديمة.
باشم ريحة الغورية..وحارة المغربلين
باشوف الحكر من تاني ..والحكر عبارة عن عشش صفيح على خشب على طوب وأعلاها في السما ..دورين..والناس عايشين فيها
بس يا أستاذة
من غير بس
فين الجديد؟..أنا لو لي قارئ واحد بيتابعني..هاشد حيللي أكتر في الإبداع
ربنا يحفظك وينفع بك(آمين)

هبة النيــل يقول...

والله يا فندم أحرجتني جدا بزوقك بس القصة والله مش بحب ابعت بوست إلا كل اسبوع على الأقل

ربنا يكرمك والله

شكرا كتير لزوقك

حسام يقول...

روعة الكلمات ولا يشعر بها الا كل مغترب عن ارض الوطن
احسنتى اختى

انا ما نسيتك يا وطن يقول...

ما شاء الله احسنتى اختى كلمات جميلة واحاسيس رقيقة لا يشعر بها الا كل مغترب يضنيه الشوق والحنين للوطن

هبة النيــل يقول...

أستاذ حسام

أولا منور الدنيا

ثانيا فعلا .. كتبتها وأنا في الغربة

جزاك الله كل الخير

أرق المنى

حارتنا

حارتنا مليانة جمال....بس يمكن عنينا مش شايفاه...
يابن بلدي حبها علشان تحبك...
ولازم تفرق بين بلدك وبين اللي ماسكينها...

أختك وبنت بلدك

هبـــــــة النيــــل