السبت، ٢١ يونيو ٢٠٠٨

يا مسافر بلاد النيل


يا مسافر بلاد النيل

أمانة عليك توصلها

سلامي ليها

سلامي لكل شيء فيها

دي وحشاني

وليل الغربة أضناني

وحشني نور لياليها

وحشني أبص فعنيها

وحتى ضحكة ولادها

وحشني دفا أراضيها

أمانة عليك يا مسافر

بلاد النيل

تصورلي اللي هتشوفه

نور البدر وكسوفه

وتشرب بردو من نيلها

ولو تقدر تغنيلها

وتحكيلها

اني متشوق...

لسهراية ...بطول ليلها

وبردو اني متشوق

لرقصة خيل

وللزرعة وللخضرة

... لكل جميل

ومتشوق أدوق النيل

أمانة عليك يا مسافر..

ما تنسى سلامي لبلادي....

....بلاد النيل




هناك ٥ تعليقات:

حبارير يقول...

جميلة أوي..
مفرداتك وربما اللي بيسوقها إحساسك
باشم فيها قريتنا..والحاجات الطيبة والقديمة.
باشم ريحة الغورية..وحارة المغربلين
باشوف الحكر من تاني ..والحكر عبارة عن عشش صفيح على خشب على طوب وأعلاها في السما ..دورين..والناس عايشين فيها
بس يا أستاذة
من غير بس
فين الجديد؟..أنا لو لي قارئ واحد بيتابعني..هاشد حيللي أكتر في الإبداع
ربنا يحفظك وينفع بك(آمين)

هبة النيــل يقول...

والله يا فندم أحرجتني جدا بزوقك بس القصة والله مش بحب ابعت بوست إلا كل اسبوع على الأقل

ربنا يكرمك والله

شكرا كتير لزوقك

حسام القايد يقول...

روعة الكلمات ولا يشعر بها الا كل مغترب عن ارض الوطن
احسنتى اختى

غير معرف يقول...

ما شاء الله احسنتى اختى كلمات جميلة واحاسيس رقيقة لا يشعر بها الا كل مغترب يضنيه الشوق والحنين للوطن

هبة النيــل يقول...

أستاذ حسام

أولا منور الدنيا

ثانيا فعلا .. كتبتها وأنا في الغربة

جزاك الله كل الخير

أرق المنى

حارتنا

حارتنا مليانة جمال....بس يمكن عنينا مش شايفاه...
يابن بلدي حبها علشان تحبك...
ولازم تفرق بين بلدك وبين اللي ماسكينها...

أختك وبنت بلدك

هبـــــــة النيــــل